Халықты әлеуметтік қорғау саласындағы реттеу және бақылау комитеті департаментінің басшысы Мұрат Мұратбеков бұл туралы өңірлік коммуникация қызметінің брифингінде айтты. Тексерулер денсаулық сақтау, білім беру, мәдениет және спорт мекемелерін, сондай-ақ мемлекеттік және коммерциялық нысандарды қамтыды.
Қалада шамамен 60 мың мүгедек тұрады. Тексеру кезінде мамандар пандустардың, көтергіштердің, кіру орындарының, санитарлық тораптардың, шақыру түймелерінің, тактильді нұсқағыштардың және автотұрақ орындарының болуын қарады. Сондай-ақ ақпараттың көру және есту қабілеті бұзылған адамдар үшін қаншалықты бейімделгені бағаланды.
Тексерулердің негізгі мақсаты – кедергілерді жою, жазалау емес. Дегенмен алты нысан әкімшілік жауапкершілікке тартылды. Айыппұлдардың сомасы 2 млн 76 мың теңгені құрады.
Жыл ішінде қайталап бұзған жағдайда айыппұлдар едәуір өседі. Егер нұсқамалар орындалмаса, ведомство қайта тексерулер жүргізіп, Әкімшілік құқық бұзушылық туралы кодекс бойынша қосымша шаралар қолданады.