Құжат «пилотсыз автокөлік құралы» және «пилотсыз әуе кемесі» ұғымдарын енгізеді. Ол осындай көлік құралдары үшін инфрақұрылым құру тәсілдерін және оларды қолдану тәртібін айқындайды.
Заң көлікті басқаруға қарсы көрсетілімдері бар азаматтардың медициналық деректерін диагнозды ашпай ішкі істер органдарының базаларына интеграциялауды көздейді. Жол қозғалысы ережелерін бұзуды тіркеу камераларын жедел жәрдем көліктері мен автобустарға орнату жоспарлануда.
Автошколалардың қызметіне мемлекеттік бақылау енгізіледі. Олар үшін рұқсат беру тәртібі белгіленеді және ақпараттық жүйе арқылы оқу процесін мониторингтеу үшін тізілім құрылады.
Киберқауіпсіздік және деректерді қорғау
Ұлттық қауіпсіздік органдарының цифрландырудың маңызы зор объектілерінде киберқауіпсіздікті бақылау жөніндегі өкілеттіктері кеңейтіледі. Еңбек заңнамасы қызметкерлерді киберқауіпсіздік талаптарымен таныстыру және олардың сақталуын ішкі бақылау нормаларымен толықтырылады.
Заңда жаңа ұғымдар пайда болады: дербес деректердің идентификаторлары, деректерді тұлғасыздандыру және хэштеу. Дербес деректерді жинайтын және өңдейтін тұлғалардың тізілімі және осындай деректердің қауіпсіздігін бұзу тізілімі құрылады.
Құжат сондай-ақ қоғамдық қауіпсіздік үшін Ұлттық бейнемониторинг жүйесін енгізеді. Сонымен қатар, Мемлекеттік қайырымдылық цифрлық платформасын және қайырымдылық ұйымдарының тізілімін құру, сондай-ақ көші-қон қауіпсіздігін күшейту және мемлекеттік шекараның цифрлық жүйелерін қорғау шаралары көзделеді.