Мемлекет басшысы медициналық білім беруді жаңғыртудың ел болашағы мен ұлт денсаулығы үшін стратегиялық рөлін атап өтті. Оның сөзінше, бейінді жоғары оқу орындары ғылым мен жоғары технологиялар орталықтарына айналып, білім беру процесі жетілдіріліп, интернатура дәрігерлерді даярлаудың толыққанды кезеңіне айналып отыр.
Президент Астана Медицина университетінің цифрлық денсаулық сақтау мен биомедицина саласын дамытудағы жетістіктерін атап өтті. Үкімет оқу орнына Ұлттық мәртебе беруді ұсынды, Тоқаев бұл ұсынысты қолдады.
Сондай-ақ ол университетке отандық нутрициология мен профилактикалық медицина негізін қалаушы, «Қазақстанның Еңбек Ері» атағының иегері Төреғали Шарманов есімін беруді орынды деп санады.
Сонымен қатар, Президент Үкіметке денсаулық сақтау инфрақұрылымын кең көлемде жаңарту және саланың материалдық-техникалық базасын жаңғырту тапсырмасын берді.