Астанада қысқа мерзімді жаңбыр, найзағай және шквал болжанады. Жел оңтүстік-шығыстан солтүстік-батысқа ауысып, екпіні 15–20 м/с-қа жетеді.
Ақмола облысында батыста, солтүстікте және шығыста жаңбыр, найзағай, шквал, шаңды дауыл және бұршақ күтіледі. Желдің екпіні кей жерлерде 25 м/с-қа дейін күшейеді.
Қостанай облысында түнде солтүстік-шығыста жаңбыр мен найзағай өтеді, күндіз жауын-шашын батысқа, солтүстікке және шығысқа тарайды. Кей жерлерде бұршақ жауып, жел 15–20 м/с-қа дейін күшейеді. Оңтүстік пен орталықта жоғары өрт қаупі сақталады.
Маңғыстау облысында солтүстік-шығыста жаңбыр мен найзағай болуы мүмкін. Батыста таңертең тұман күтіледі, ал солтүстікте, шығыста және орталықта жоғары өрт қаупі сақталады.
Қызылорда облысында солтүстік пен орталықта шаңды дауыл көтеріледі. Күндіз жел 15–20 м/с-қа дейін күшейеді, облыс бойынша төтенше өрт қаупі сақталады.
Абай облысында батыс пен оңтүстік-батыста жаңбыр мен найзағай өтеді. Күндіз желдің екпіні 15–20 м/с-қа жетеді, аумақтың көп бөлігінде жоғары және төтенше өрт қаупі сақталады.
Алматы облысының таулы аудандарында қысқа мерзімді жаңбыр мен найзағай күтіледі. Күндіз температура 35–38 градусқа дейін көтеріледі, солтүстікте төтенше, қалған аудандарда жоғары өрт қаупі сақталады.
Атырау облысында солтүстікте, шығыста және оңтүстікте жаңбыр мен найзағай болжанады. Батыс пен оңтүстік-шығыста жоғары өрт қаупі сақталады.
Шығыс Қазақстан облысында шығыс пен оңтүстікте жауын-шашын мен найзағай өтеді. Жел 15–20 м/с-қа дейін күшейеді, облыс бойынша жоғары және төтенше өрт қаупі сақталады.
Ұлытау облысында күндіз солтүстік-батыс желдің екпіні 15 м/с-қа жетеді, жоғары өрт қаупі сақталады.
Қарағанды облысында батыста, солтүстікте және шығыста жаңбыр мен найзағай күтіледі. Жел 15 м/с-қа дейін күшейеді, батыс пен солтүстікте төтенше өрт қаупі қалады.
Солтүстік Қазақстан облысында түнде шығыста қатты жаңбыр жауады, күндіз оңтүстік пен шығыста бұршақ пен шквал болуы мүмкін. Желдің екпіні кей жерлерде 23–28 м/с-қа жетеді.
Жамбыл облысының таулы аудандарында жел 15–20 м/с-қа дейін күшейеді. Облыс бойынша жоғары және төтенше өрт қаупі сақталады.
Павлодар облысында батыс пен оңтүстікте жаңбыр мен найзағай өтеді. Күндіз жел 15–20 м/с-қа дейін күшейеді, жоғары және төтенше өрт қаупі сақталады.
Ақтөбе облысында түнде солтүстік пен орталықта аздаған жаңбыр мен найзағай болады, күндіз бұршақ пен шквалмен жауын-шашын тарайды. Күндіз температура 35–40 градусқа жетеді, өрт қаупі жоғары және төтенше болып қалады.
Жетісу облысының таулы аудандарында қысқа мерзімді жаңбыр мен найзағай өтеді. Батыс пен орталықта 15–16 шілдеде жоғары өрт қаупі сақталады.
Батыс Қазақстан облысында батыста, солтүстікте және шығыста жаңбыр, найзағай, бұршақ және шквал күтіледі. Күндіз оңтүстікте температура 36 градусқа дейін көтеріледі.
Түркістан облысының таулы аудандарында жел 15–20 м/с-қа дейін күшейеді. Облыс бойынша төтенше өрт қаупі сақталады.