Бас прокуратураның мәліметінше, сотталғандар 2022-2024 жылдар аралығында тұрақты топ құрған. Олар басқа сотталушыларға қысым көрсетіп, олардан ақша бопсалаған.
Қаражат банк карталарына және Kaspi қоса алғанда мобильді қосымшалардағы шоттарға аударылған. Жәбірленушілер бас тартқан жағдайда оларды ұрып-соғып, қорлаған.
Істі Алматы облысының арнайы прокурорлары Қылмыстық кодекстің 262, 194 және 190-баптары бойынша тергеген. Сот он адамның барлығын кінәлі деп танып, 10 жылдан 15 жылға дейін бас бостандығынан айыру жазасын тағайындаған. Үкім әзірге заңды күшіне енген жоқ.