Жануарлар келгеннен кейін «Іле-Балқаш» мемлекеттік табиғи резерватының дайындалған қоршауларына орналастырылды. Онда олар мамандар мен ветеринарлардың бақылауымен бейімделу процесінен өтіп жатыр.
Жолбарыстардың жағдайы тұрақты деп бағалануда, олар жаңа жағдайларға сәтті бейімделуде.
Бейімделу аяқталғаннан кейін және жануарлардың жағдайы бағаланған соң оларды табиғи ортаға жіберуге дайындайды. Оған дейін олардың қозғалысын үнемі бақылау үшін спутниктік ошейниктермен жабдықталады.
Мемлекет басшысы Қасым-Жомарт Тоқаев төрт амур жолбарысының келуі Ресей Президенті Владимир Путиннің мемлекеттік сапарының өзіндік «ерекшелігі» болғанын атап өтті.