Мемлекет басшысы Германия Қазақстанның негізгі сауда және инвестициялық серіктестерінің бірі болып қала беретінін атап өтті. 2005 жылдан бастап неміс тікелей инвестицияларының көлемі ел экономикасына 8 млрд доллардан асты, бұл қаражаттың көп бөлігі шикізаттық емес салаларға бағытталған.
Қазақстанда неміс капиталы бар мыңнан астам компания жұмыс істейді. Олардың қатарында — CLAAS, Horsch, Siemens, BASF, Heidelberg Materials, Siemens Energy, Knauf және Linde.
Саяси өзгерістер
Тоқаев елдегі ауқымды саяси реформалар туралы айтты. Жаңа Конституцияда демократиялық, зайырлы, құқықтық және прогрессивті мемлекет қағидаттары бекітілген.
Ынтымақтастық перспективалары
Тараптар энергетика, өнеркәсіп, цифрландыру, сирек жер металдарын өндіру және қайта өңдеу, сондай-ақ көлік-логистика саласындағы ынтымақтастықты кеңейту мүмкіндіктеріне ерекше назар аударды.
Катерина Райхе Қазақстан Германияның аймақтағы ірі сауда-экономикалық серіктесі екенін атап өтті және екіжақты байланыстарды одан әрі дамытудың зор әлеуетіне нұсқады. Министр сондай-ақ Президентке өзекті мәселелерді талқылау мүмкіндігі үшін алғыс айтты.
Кездесу соңында Тоқаев Германияның федералдық президенті Франк-Вальтер Штайнмайер мен федералдық канцлер Фридрих Мерцке сәлем жолдады.