Құжат АСҚУЭ-ні бірыңғай мемлекеттік цифрлық платформаға енгізуге бағытталған. Бұл ел бойынша электр энергиясын өндіру, беру және тұтынуды үздіксіз автоматтандырылған бақылауды қамтамасыз етуге мүмкіндік береді.
Алғаш рет «Жанар-жағармай-энергетикалық кешенді басқарудың бірыңғай мемлекеттік жүйесі» ұғымы енгізіледі. Платформа электр энергетикасы саласы бойынша барлық деректерді жинақтайды, өңдейді, талдайды және мониторинг жүргізеді.
Міндетті интеграция және деректерге жаңа талаптар
Электр энергетикасы саласындағы барлық ТЭК субъектілері өзінің қолданыстағы АСҚУЭ кешендерін жаңа орталықтандырылған жүйемен интеграциялауды қамтамасыз етуге міндетті. Коммерциялық есеп деректері енді әр 15 минут сайын берілуі тиіс. Ақаулар кезінде жүйе бірнеше интервалдағы ақпаратты сақтап, кейін береді.
Күтілетін нәтижелер
Жаңалықтар есептің дәлдігін арттыруы, адам факторының әсерін азайтуы және энергожүйені мониторингтеудің бірыңғай платформасын құруы тиіс. Жедел басқару, тұтынуды болжау және апаттардың алдын алу мүмкіндігі пайда болады.
Бұйрық энергетикалық және коммуналдық секторларды цифрлық трансформациялаудың бөлігі болды, ол Энергетикалық және коммуналдық секторларды жаңғырту жөніндегі ұлттық жоба аясында жүзеге асырылады.