Сауд Арабиясы Қазақстанның Таяу Шығыстағы негізгі сауда-экономикалық серіктестерінің бірі болып табылады. Елдер арасындағы сенімді қарым-қатынас олардың басшыларының қолдауымен қалыптасты.
2025 жылдың қорытындысы бойынша өзара сауда 17%-ға өсіп, 11,7 млн долларды құрады. Ағымдағы жылдың алғашқы төрт айында көрсеткіш 2,9 есе өсті.
Соңғы 20 жылда Сауд Арабиясынан Қазақстанға тікелей инвестициялар 115,3 млн долларға жетті.
Ақпан айында тараптар Қазақстан-Сауд үйлестіру кеңесін құру туралы келісімге және инвестицияларды өзара ынталандыру мен қорғау туралы келісімге қол қойды. Құжаттар жаңа бірлескен жобалар үшін мүмкіндіктер ашады.
Кездесуде тау-кен металлургия кешені және маңызды минералдар саласындағы ынтымақтастықты дамыту, оның ішінде пайдалы қазбаларды барлау, өндіру және өңдеу, сондай-ақ қосылған құны жоғары өндірістерді құру мәселелері талқыланды. Қатысушылар осы бағыттарда өзара әрекеттесуді арттыруға дайын екендіктерін растады.