Ұлттық статистика бюросының деректері бойынша, кірістердің ең үлкен бөлігін — 2,2 трлн теңге — ауруханалардың қызметі қамтамасыз етті. Бұл жалпы көлемнің 52,5%-ын құрады.
Одан кейін жалпы дәрігерлік практика 667,1 млрд теңге және денсаулық сақтау саласындағы өзге қызмет — 663,7 млрд теңге. Мамандандырылған дәрігерлік практика 235,9 млрд теңге әкелді. Сондай-ақ әлеуметтік қызметтер мен стоматология елеулі үлес қосты.
Шығындардың негізгі бабы еңбекақы төлеу және қызметкерлерді ұстау болды — 2,144 трлн теңге, немесе барлық шығындардың 51,7%-ы. Сатып алынған қызметтерге 603,1 млрд теңге жұмсалды, қалған шығындар бірге 1,4 трлн теңгеден асты.
Аймақтар бойынша Алматы 792,2 млрд теңге кіріспен көш бастап тұр, Астана — 671,6 млрд теңге және Түркістан облысы — 265,4 млрд теңге. Одан әрі Шымкент, Қарағанды және Алматы облыстары келеді.
Қарағанды, Шығыс Қазақстан, Қостанай және Ақмола облыстарында шығындар кірістерден асып түсті.
Бұған дейін Ұлттық статистика бюросы білім беру ұйымдары бойынша да осындай деректерді жариялап, 2025 жылы кірістер мен шығындардың өскенін тіркеген.